JARDUERAK
Osate Kanpina mendi eta naturarekin loturiko hainbat jarduera egiteko abiapuntua izaten ahal da. Kanpinak, abentura- anitzak deituriko jarduerak eskaintzen dituen “Ekia” enpresarekin batera, urtaroaren araberako hainbat jarduera eskaintzen ditu. www.ekiapirineo.com

Jarduerak monitoreekin

Udaberria- uda- udazkena
• Eskalada hastapenei buruzko ikastaroa: Eskaladaren oinarrizko ezagutza: rappelak eta igoerak, altuera eta maila ezberdinetako harrizko hormak igotzea.
•Arroilen jaitsiera: Gure ibarretan egiten ahal diren jardueren artean eder eta zirraragarrienetarikoa. Eskalada eta espeleologia teknikak erabiliz arroila jaisten da, rappelak, txirristak, jauziak eginez eta putzuetan bainatuz.
•Piraguismoa: Dudarik gabe, ibaiaz gozatzeko modu hoberenetarikoa dugu kayak edo piraguismoa. Ibaiaren jaitsiera bakarkako edo binakako piraguetan egiten da, ibaiaren eremu errazetan. Partehartzaile bakoitza izanen da bere piraguaren gidari.
•Kano-Raft: Eskualdeko ibaiak jaitsiko ditugu bi edo hiru lagunentzako baltsa pneumatikoetan eta monitore baten laguntzaz. Kano- raft-a raftina eta Ameriketako indiarrek erabilitako kanoen arteko nahasketa da.
• Mendi- ibilbideak oinez: Pirinioko ibar hauen ezkutuko sekretuak ezagutzeko modu hoberena. Natura ezagutzeko ibilbideak eginen ditugu, eskualdeko landaredi, fauna, historia etab. joko eta azalpenen bidez aztertuz.
• Ibilbideak mendi- txirrindulan: zailtasun maila ezberdineko ibilbideak, bezeroaren nahiaren arabera. Iratiko oihana ezagutzeko modu erraz eta atsegina.
Negua
•Iraupen eskia: Neguan mendia ezagutzeko modu hoberenetarikoa. Familia edo adiskideekin batera egun bakarreko edo asteburuko ateraldietan hainbat teknika ikasiko ditugu paisaia zoragarriaz gozatzen dugun bitartean
• Erraketak: Neguan elurtutako paisaiaz gozatzeko modu ederra. Elurretan mugitzeko ziurtasun handia eskaintzen digu.

Arrantza:
Zatoia, Anduña eta Zaraitzu ibaietan amuarrainak arrantzatu ohi dira. Ibaira iristeko autoa behar ez denez, zale guztiak inolako zailtasunik gabe kanpinean sartzen ahal dira eta bertan arrantza egin.